Nakapahaom eun ro Commission on Elections (Comelec) Region 6 nga igapadayon ro voters’ registration para sa barangay ag Sangguniang Kabataan (SK) elections.
Ro pagparehistro hay pagahiwaton sa tunga it Hulyo 4 ag Hulyo 23.
Ro mga kwalipikadong indibidwal para sa registration hay 18 dag-on pataas o ro mga 18 dag-on bago ro Disyembre 5.
Samtang ro mga kabataan sa edad nga 15 hasta 17 dag-on hay kwalipikado man nga magparehistro ag magboto.
Kinahangean eamang magdaea it birth certificate, anuman nga valid government identification card, o school records nga nagapamatuod nga sa tama nga edad eun ro sangka indibidwal./JIL B. LACSON