Ginkumbinse it National Bureau of Investigation (NBI) Antique ro publiko nga maghaeong sa mga online scams nga ginapdaea paagi sa email ag social media.
Base sa report it taeatapan, maabong mga indibidwal sa probinsiya ro nabiktima kara, kaabuan sa mga nabiktima hay mga senior citizen, separado sa asawa, o biyuda.
Dugang pa nana, ginpromisohan segun sanda it mabahoe nga balor it kwarta, packages, o capital sa iban nga nasyun pero ro motibo hay makabuoe it kwarta halin sa mga biktima.
Kasunod kara, mas ginapahaeong ro tanan sa mga “textmate” ag likawan nga magtao it mga importante nga mga impormasyon sa mga tawo sa social media./JIL B. LACSON