May waeong mga bag-ong alkalde sa Aklan ro magapamuno.
Raya hay sanday outgoing Sangguniang Panlalawigan member Juris Bautista Sucro nga bag-ong alkalde it Kalibo matapos pierdihon si re-electionist Mayor Emerson Sucgang Lachica.
Bag-o man ro alkalde sa banwa it New Washington ag raya hay si former councilor Jessica Regenio Panambo nga ginpierdi si reelectionist Mayor Shimonette Peralta Francisco.
Sa banwa it Batan, magapungko man bilang bag-ong Mayor si Michael Reyes Ramos matapos pierdihon si Jindra Linda Laurente Demeterio ag Dante Tulio Reyes.
Sa Banga, daog man si vice mayor Noel Lipana Redison it masobra 3,000 votes para maging bag-ong alkalde kontra kay Roginie Jamison Villar.
Si Outgoing Madalag vice mayor Rex Tupas Gubatina ro nagpangibabaw sa masandukot nga mayoral election kontra kay Joemar Villas Legaspi.
Sa banwa it Makato, si outgoing vice mayor Ramon Anselmo Martin Dayan Legaspi III ro nagdaug sa mayoral post, kontra kay outgoing councilor Abencio Honeyboy Pajanustan Torres III.
Si Maria Fe Taunan Lasaleta man ro nagdaug bilang bag-ong alkalde sa banwa it Nabas kontra sa anang mga kasumpong nga sanday Noli Dioso Palomata ag Lee Antipas Barrientos Sabar.
Samtang sa banwa it Ibajay si Outgoing provincial board member Jose Miguel Martin Miraflores ro daug bilang Mayor matapos nga owa imaw it naging kontra. / ANN DESLENE SALAZAR