Aminado ang Zambales Provincial Health Office na mababa pa ang bilang ng mga nagpapaturok ng booster shots kontra corona virus disease.
Sa datos ng PHO, nasa 54,000 pa lamang ang nagpabooster sa buong lalawigan ng Zambales.
Ayon kay Provincial Health Officer Dr. Noel Bueno, kahit na nagbabahay-bahay na ang kanilang team ay mayroon pa ring ilan na ayaw magpaturok.
Dahil karapatan naman umano ito ng mamamayan ay hindi rin maaaring pilitin kapag umayaw.
Sa kabila nito, paalala ni Bueno na mahalaga ang booster shot dahil mayroon ng iba’t ibang variant ang covid-19.//Jen Bayot-BNFM OLONGAPO
