Sambilog ru patay sa 2 biktima it pagkawomos matapos hampason it mabaskog nga baeod sa Station 1 Balabag Boacay, Malay, Aklan.
Sa report, nakilaea ru mga biktima nga sanday Leonil Salbador, 29 anyos ag residente it Brgy. Fulgencio Sur, Balete, Aklan ag Jeovanie Bagahan, 39 anyos ag residente it Tigbawan, Iloilo.
Nag saeampitan sigun ru magka trabaho sa sangka hotel nga maga paligos sa dagat mga alas 4:00pm bago matabo ru insidente.
Dinaea sa madaeom nga portion it baybayon ru mga biktima dahil sa mabaskog nga hampas it humbak.
Indi kaantigo mag eangoy si Leonil Salvador rason nga gin baginbin sa dagat ag uwa eon naka butwa.
Satmang, si Jeovanie Bagahan hay naka salbar dahil sa ka antigon mag eangoy.
Matapos ru 25 minutos, nag-eotaw sa dagat ru biktima ag gin tinguhaan pa it mga rescuer nga ma revive apang binaewi-an it kabuhi.//MARIVIC Y. ILIN