LEGAZPI CITY – Arestado sa Purok 3, Barangay Salvacion, Daraga, Albay ang 21 anyos na lalaki na may kasong qualified statutory rape o panggagahasa sa kamag-anak na menor de edad.
Naaresto ang suspek na si alyas “Jomarie”, residente ng Delos Reyes St., San Lorenzo, Gapan City, Nueva Ecija, sa pamamagitan ng pinagsamang pwersa ng Darada MPS, RIU5 PIT Albay, CIDG Albay Provincial Field Unit at iba pang yunit.
Nahaharap ang suspek sa limang bilang ng nasabing kaso at walang inirekomendang piyansa ang korte para sa kanyang pansamantalang kalayaan.
Napag-alaman din na ang suspek ay ang tinaguriang Rank 2 regional at provincial most wanted at Rank 1 municipal most wanted person ng Daraga.
Kasalukuyan na itong nasa kustodiya ng pulisya para sa kaukulang disposisyon.