KASONG pagsupak sa Republic Act 9165 o Comprehensive Dangerous Drugs Act of 2002, ang atubangon sa usa ka lalaki.
Human nasikop sa drug buy bust operation sa mga sakop sa Lagao Police Station si alyas Edward, 34-anyos, residente sa Barangay Dadiangas West, GenSan. Matud ni Police Major Abdulsalam Mamalinta Jr., hepe sa presinto napalitan nila og putos sa gituohang shabu nga nagkantidad og P500.
Human niini, naimbargo usab ang uban pang putos sa gidudahang shabu nga naa sa 1.3 gramo nga nagkantidad og P8, 840. Una nang, gimandu ni Police Col. Jomar Alexis Yap, director sa GenSan City Police Office (GSCPO) sa mga hepe sa presinto nga pakusgan pa ang kampanya ang batok gidiling droga sa ilang lugar nga ginsakopan. I Richel Gubalani
–