UPAT ka mga lalaki ang gikustodiya karon sa San Isidro Police Station human nga gitudlong nalambigit sa ginadili nga sugal.
Subay sa talaan sa presento kwatro ang usa ka concerned citizen gikan sa PI-16, Barangay City Hieghts nagpahibalo nga adunay sabong sa ilang dapit.
Sa pagrespondi sa kapulisan nagpositibo ang impormasyon mao nga gidakop sa kapulisan ang gitudlong nanabong nga silang Gilbert,45-anyos Jern Robert, 32-anyos; Siricio, 61-anyos ug Kimland, 34-anyos nga gikan sa managlahi nga barangay.
Nakuha usab sa pulis ang duha ka manok panabong, ang usa may samad unya ang kwarta nga mokabat sa P1,900.
Sa karon gi-andam na ang kaso nga ipasaka batok sa upat ka mga lalaki. I Ver Diazon