Wala nay kinabuhing napalgan ang usa ka bata sa swimming pool nga nahimutang sulod sa usa ka resort sa Barangay Cornon, Sta. Cruz, Davao del Sur kagahapon sa hapon.
Sa imbestigasyon sa Sta. Cruz Municipal Police Station giila ang biktima nga si Abegail Ading Julian, residente sa Barangay Zone II sa maong lungsod kinsa nakitang naglutaw sa pool sa L-Circullo Seablue Garden Resort.
Sumala pa nga igo na lamang nabantayan ang biktima nga wala kay pinimuot nga anaa sa pool nga dunay gilawmong 4 feet kon asa gisulayan pa kini og luwas og gidala sa ospital apang gideklara na kining patay.
Padayon ang imbestigasyon sa kapolisan sa maong hitabo.