MOKABAT sa 80 ka staff sa hotel restaurants ug stand alone dining establishments sa GenSan ang mipailawom sa antigen testing.
Sa impormasyon sa LGU-GenSan kini ilawom sa Targeted Antigen Testing Project sa pakig-alayon sa City Health Office ug City Economic Management and Cooperative Development Office (CEMCDO) tourism.
Gihimo ang 1st leg sa proyekto sa Veranza Al Fresco nakalabay nga adlaw. Random ang pagpili sa food establishments ug nagboluntaryo ang 50 porsyento nila nga exposed workforce. Sa datus sa city’s statistics of COVID-19 cases, sagad sa nagpositibo sa Covid-19 ang asymptomatic ug silent spreader sa virus.
Tumong sa proyekto ang ma-promote ang luwas nga panglawas sa workplaces, aron usab protektahan ang customers availing ug makatabang usab ang posibleng pagsaka pa sa ihap sa matakboyan sa sakit. ( Richel Gubalani)