Arestado an usa nga drug personality ha gindumara nga anti-illegal drug buy-bust operation han PNP-PDEA ha Brgy San Antonio, Basey, Samar.
Ginkilala an suspek nga hi alyas “Anthony”, 35-anyos, residente han Basey, Samar ngan anay drug surrenderee ha nasabi nga lugar.
Ginpangunahan an nasabi nga operasyon ni Police Captain Fernando Calabria Jr, Officer-In-Charge han Basey Municipal Police Station kaupod Station Drug Enforcement Team ngan PDEA 8 – Samar Provincial Office.
Nakumpiskar tikang ha suspek an pira nga kasachet han gintutuohan nga shabu nga mayda kabug-aton nga 5 gramo nga mayda estimated street value ng P34,000.
Ha pagkayana in nakadeteni na an suspek ha Basey MPS Lock-Up Facility ngan naatubang na ha kaso nga pagtalapas ha Section 5 ngan 11 han Republic Act 9165.