Nakuhaan og hulagway sa Kardo’s ang babaeng nagpalit sa ilang kan- anan dool sa may Baywalk Mati nga migamit matud pa og peke nga P1000 bill sa milabay’ng adlaw.
Sumala pa nga gilingaw sa nasangpit nga babae ang staff sa maong kan-anan kung asa mibayad kini gamit ang peke nga kwarta ug gidawat pa niini ang sukli.
Dako ang pagtoo sa mamangement sa maong kan-anan nga planado na sa maong babae ang iyang modus sanglit wala na niini gibalik ang iyang gipatake-out nga order.
Maayo na lamang nga dunay CCTV ug nakuhaan og klaro ang nawong niini.
Panawagan na lamang sa pamunuan sa Kardos nga kung si kinsa man ang nakaila sa maong babae, muhatag lamang og impormasyon aron nga mapugngan ang dautan niining binuhatan.
Samtang, gipahimangnuan sab ang ubang mga establisyemento nga magbinantayon aron dili mabiktima sa mga dautang tao ilabi na nga nagkadool na ang kapaskohan.
-Brigada Mati