Gikatakdang ideploy sa Philippine Coast Guard (PCG) ang ilang bag-ong napalit nga Multi-Role Response Vessel – 9701 nga RP TERESA MAGBANUA sa kadagatan sa Central Visayas ug sa Negros Oriental.
Kini parte sa regular nga pagpahigayon ug Maritime Patrol aron mapalig-on pa ang pagpatuman sa Maritime Laws maylabot sa Safety, Security ug Environmental Protection sa rehiyon.
Giingong i-dock ang barko sa Port sa Dumaguete City sa Abril 27, 2023 hangtud sa Abril 30, 2023.
Samtang ang mga officers ug crew sa BRP TERESA MAGBANUA maoy mu-host sa ‘OPEN HOUSE’ sa tanan nga maritime stakeholders, local government units sa Negros Oriental ug uban pang mga interesadong indibidwal nga makita ang bag-ong ug labing-daku nga barko sa PCG.//