KALIBO,AKLAN—Patay ru biktima matapos eampusan it bote sa ueo sa sangka bar sa Kalibo, Aklan ku nagtaliwan nga Domingo it aga-aga.
Sa report, edad 23 anyos nga eaeaki ru biktima samtang, gina tukoy pa it mga kapulisan ru mga suspek.
Bago ru insidente, may natabo nga commotion sa sueod mismo it bar ag eagiman ng ana settle ru kada panig.
Matapos ru settlement, uman nga nagkarambola ru daywang grupo sa prente mismo it bar ag ikara dinaeagan ag sinipa it biktima ru suspek.
Nahimo pang daehon ru biktima sa hospital it mga rumesponding personnel it Kalibo MPS ag MDRRMO-Kalibo apang namatay samtang gina bueong.
Sa kamaron, padayon pa ru maid-id nga imbistigasyon it Kalibo MPS sa insidente ag gina usoy it mga kapulisan ru grupo it mga suspek nga imbolbado.//MARIVIC Y. ILIN