Ginatinguha makarun it Malay Municipal Police Station ro tatlong minutong pag responde sa anumang krimen o kahiwatan sa isla it Boracay.
Suno kay Malay acting police chief Lt. Col. Dainis Ortega Amuguis, ginaeauman nga maga responde ro 290-strong police officers sa non-emergency ag emergency cases sa isla bilang kaparte it crime solution strategies it Philippine National Police (PNP).
Ro three-minute response time para sa anumang nai-report nga krimen hay gin-adopt it Quezon City Police District Integrated Command Center.
Suno kay Amuguis nga gusto nanda nga ipatuman ro 3-minute response strategy sa isla, bangud ro madasig nga pagresponde it kapulisan sa Malay hay kinhangean agud mapabilin ro katawhayan ag seguridad it komunidad, eabi eon ro mga residente ag turista.
Ginatun-an man segun nanda ro road system sa isla, eabi eon sa mga ongoing road improvements, para sa madasig nga pagresponde sa krimen. // ANN DESLENE SALAZAR