NAGPABILING undefeated si Pinoy boxer Christian Pitt Laurente human midaog sa ulahing panagsangka didto sa Korea batok sa Mongolian boxer, Marso 10.
Sa kadaugan pinaagi sa unanimous decision batok kang Mongolian national champion Nunkhasalai Bat-ochir Misaka na sa 12 ang daog ni Laurente subay sa iyang FB post asa nabutang ang 12-0, nga nagpasabot nga wala pa kini pildi samtang pito ang gidaog pinaagi sa knockout.
Sa komentaryo sa usa ka boxing analyst gipakita ni Laurente sa iyang ulahing panagsangka ang maayong abilidad ug talent ug taas matud pa ang boxing IQ niini.
Halos dili usab makaigo si Bat-ochir kang Laurente samtang halos tanang kinumo miigo sa nawong sa kalaban.
Ang 23-anyos nga boksingero nga taga Barangay Bawing, GenSan ang ginabansay sa kaugalingong boxing coach nga mismong iyang amahan nga si Criztino Laurente, ang karon ginasubaybayan ni boxing promoter Sean Gibbons sa mga dula niini.
Dako matud pa ang potential ni Laurente nga mahimong usa ka world boxing champion
Kasamtangan ilalom si Pitt sa promoter nga si kanhing world boxing champion Gerry Peñalosa.
Kahibaluan nga si Criztian Pitt Laurente nakuha sa Phillipine team ug nahimo nga ASBC Asian Junior boxer in 2016,unya nahimong bronze medalist sa AIBA World Youth Boxing Championship sa 2018 bag-o gisulod ang professional boxing.