NAGPAGAWAS og memorandum ang Civil Aviation Authority of the Philippines kun CAAP GenSan pinaagi ni Joel Gavina, airport manager sa General Santos City International Airport nga nagabawal sa mga dili bakunado nga makasulod sa GenSan.
Sa memorandum nga pinetsahan Enero 11, 2022, ang gilayung pagpatuman sa ‘no vaccination, no entry’ sa GenSan.
Rason matud pa niini tungod sa pagtaas sa kaso sa COVID-19 tungod sa Omicron variant sa ubang lugar sa nasud ug dili gustong maapektohan ang operasyon sa airport.
Subay sa maong kamanduan, ang mga airport ug airlines employees angayang sul-ubon ang ilang vaccination card sa tanang higayon ug ipatuman ang health protocols.
Sa mga incoming passengers kinahanglang magpresenta sa ilang vaccination card, kung dili fully vaccinated kinahanglang magpresenta og negative RT-PCR test result sulod sa 72-oras.
Ang mga bata nag-edad 12-anyos paubos ang gibawalan una sa pagsulod sa airport, gawas kung kini ang usa ka pasahero.