Nagpahigayon og clean up drive sa palibot sa Martinez Subdivision Dahican Mati City ang mga personahe sa Mati City Police Station, kauban ang 104th Community Defense Center, Bureau of Fire Protection, Philippine Coast Guard, Davao Oriental State University, Mati Polytechnic College, Mata ng Kalsada Tricycle Operators and Drivers’ Association ug Davao Oriental Electric Cooperative Inc.
Tumong sa maong kalihokan ang malimpyo ang palibot sa maong lugar aron nga masiguro ang seguridad sa mga estudyante nga kasagarang namuyo niini gikan sa sagunson nga kawat ug lungkab.
Kahinumdomang daghan nang mga reported incidents nga natala ang mga otoridad may kalabot sa rampant nga kawat ug lungkab sa maong lugar og gibutyag nga mabutang usab sa peligro ang kinabuhi sa mga estudyante gumikan kay nagadala usab og hinagiban ang mga kawatan.
Kahinumdomang daan nang nanawagan ang Mati PNP ngadto sa mga nabiktima sa maong krimen nga modangop ngadto sa ilang estasyon ug dili lang ipost sa social media aron nga mahatagan kini og dinaliang aksiyon. Nasayran nga pipila na usab ka mga estudyante og residente sa maong lugar ang mipaabot sa ilang kabalaka ngadto sa Brigada Mati diin bag-ohay lang natangag sa kawatan ang upat ka mga cellphone lakip kwarta human nga gilungkab ang ilang boarding house diin nahibilin pa gyud ang hinagiban nga gigamit sa paglugit sa kandado sa purtahan og maayo nalang gani kay wala sila gipanghilabtan niini og bugtong mga gamit lang ang gipangpunterya.