LEGAZPI CITY – All set na an Commission on Election (COMELEC) Bicol para sa liwat na pagpupuon kan Voter’s Registration sa Pebrero 12 hasta Setymebre 30.
Segun kay COMELEC Bicol Regional Director Atty. Ma Juana Valeza, andam na an kada opisina kan komisyon sa sa paagi nin pagpapadara nin surat o communication sa mga barangay.
An barangay na su boot an madesisyon kun gusto nindang magkaigwa nin satellite registration, kinakaipuhan sanang makipagkoordinar sa COMELEC offices tanganing matawan nin schedule.
Sinabi pa ni Valeza, naka-ready naman an saindang gagamiton para sa registration asin haros tapos naman magsairarom sa training an mga personnel para sa gigibuhong aktibidad ngunyan na Pebrero.