NAGPADAYAG ang regular nga mga empleyado sa LGU-Gensan sa ilang sugyot nga unta adunay pondo nga kahulman sa panahon sa kalisod.
Sumala kang Executive Assistant III Geraldine Zamora nga maayo ang plano nga dili na mag prenda og ATM Cards ang mga Job Order Workers apan mas maayo kung apilon sila nga mga regular nga empleyado gumikan nakaprenda usab sila sa ilang ATM cards.
Sumala usab kay Ju Entila nga uyon siya sa sugyot ug apilon sila nga regular aron malikayan ang pagprenda og ATM sa gawas inay sa syudad na lang manghulam sa ubos nga interest.
Samtang matud kang Francisco Rodriguez, usa ka JO nga uyon siya sa plano kay nagaprenda usab sila og ATM card.
Sa bahin sa labaw sa HRMDO nga si Atty. Rosendo Roque gisulti niini nga ilaha nga walaon ang facial recognition sa pag time in ug time out aron dili gayud maprenda ang ATM ID’s sa mga regular, apan ilaha nga ipatuman ang Provident Fund nga ordinansa. I Ver Diazon