Maaaring matanggal sa listahan si Davao del Norte Representative Pantaleon Alvarez bilang marine reservist kasunod ng kanyang apela sa militar na bawiin ang suporta kay Pangulong Ferdinand “Bongbong” Marcos Jr.
Ayon kay Armed Forces of the Philippines (AFP) spokesperson Colonel Francel Margareth Padilla, si Alvarez ay isang reservist sa Philippine Marine Corps, ngunit hindi aktibo sa panahong ito.
Dagdag pa nito, ipinagpaliban nila ang isyung ito sa “higher level works,” at binanggit na nagsasagawa na ang Department of Justice (DOJ) ng imbestigasyon sa usapin na ito.
Gayunpaman, una nang itinanggi ni Alvarez na gumawa siya ng sedisyon, at idinagdag na “mapayapa” at “maayos” ang mga sinabi nito sa isang rally sa Tagum City, kasama si dating President Rodrigo Duterte.