Gibutyag sa Police Regional Office(PRO-7) nga nikunhod ug 5.26 percent ang crime volume a Central Visayas sa miaging semana.
Matud ni PRO-7 Spokesperson Police Lt. Col. Gerard Ace Pelare ang pagkunhod sa krimen sa rehiyon tungod na usab sa suporta sa komunidad ingon man sa hugot nga anti-criminality interventions sa kapulisan.
Base sa datos sa PRO-7 Unit Crime Periodic Report (UCPER) lakip sa mga kaso nga ni-ubos mao ang kasong murder, homicide, rape ug carnapping sa motorisklo samtang nisaka ang kaso sa physical injuries ug theft.
Ang Crime Clearance efficiency usab niabot ug 79.63 percent samtang ang crime solution efficiency anaa sa 74.07 percent.
Subay niini nagpasalamat si PRO-7 Regional Director Brigadier General Anthony Aberin sa publiko sa padayon nga suporta ug kooperasyon sa kapulisan sa rehiyon.//