LEGAZPI CITY – Pigkondusir kasuhapon kan Albay Police Provincial Office (APPO) asin Philippine National Police (PNP) Bicol an dayalogo asin signing of pledge of integrity para sa Barangay and Sangguniang Kabataan Elections (BSKE) 2023 sa Macapagal Gymnasium, Zone 3, Libon, Albay.
Pinangenotan ini ni APPO Provincial Director PCol. Fernando Cunanan, Jr., PNP Bicol Regional Director PBGen.Westrimundo Obinque asin ni Mayor Dan Maronilla.
Obheto kaining makua kan banwaan an matoninong asin silensyong eleksyon sa Oktubre.
Maabot man sa 40 barangay an nag atendir sa naumbitan na aktibidad kasarabay an iba pang ahensya de gobyerno.
Nagpagiromdom man an pulisya sa mga political aspirants na magin kalmado asin imantenir an demokratikong proseso nin pagpili ki mga opisyales sa barangay.
Apwera pa kaini, bago magtapos an programa nagkaigwa muna nin signing of Pledge of Integrity an mga kandidato sa barangay.