Daywa ka eskwelahan sa probinsiya it Antique ro kaeakip sa listahan it Department of Education (DepEd) bilang mga pilot schools para sa limited face-to-face classes.
Raya hay ro Igsoro Integrated School sa Bugasong ag Mayabay Elementary School sa Barbaza.
Sa presente, ro Igsoro Integrated School hay may 33 ka mga estudyante it Kindergarten, 41 sa Grade 1, 40 sa Grade 2, ag 31 sa Grade 3.
Sa pihak nga bahin, ro Mayabay Elementary School hay may 20 Kindergarteners samtang ro Grade 1 hasta 3 hay may mas manaba pa sa 15 ka mga estudyante kada grado.
Ro nasambitan nga mga eskwelahan hay na-identify base sa assessment it Department of Health (DOH) nga uwa it anuman nga rekord it coronavirus disease 2019 (COVID-19) nga mga kaso rason nga euwas ro mga estudyante para pagahiwaton ro pilot face-to-face classes./JIL B. LACSON