KALIBO, AKLAN—Daywang empleyado it Brgy. Hall sa Brgy. Poblacion, Kalibo, Aklan do nagpositibo sa coronavirus disease 2019 (COVID-19).
Sa pakipag-angot it Brigada News FM Kalibo kay Brgy. Kagawad Mark Sy, presenteng naka-isolate do mga raya kung siin nauna nga nagpositibo sa virus do head it sangka organization it barangay ku nagtaliwan nga domingo ag natapnan kara do sangka opisyal it barangay.
Sa makarun sigon hay naka-quarantine man do mga high risk contact it pasyente nga ginaeakipan it Treasurer, Secretary, isang Kagawad ag limang empleyado it barangay.
Kaangot kara, ginpasiguro man ni Kagawad Sy nga magapadayon do andang pagtao it serbisyo sa mga residente ag nagdesisyon nga ipatuman do skeletal force agud nga indi maapektuhan do andang operasyon.
Samtang, bangud sa padayon nga paglobo it kaso it deadly virus sa kabisera it Aklan, ginpueong ni Aklan Governor Florencio Miraflores do mga Punong Barangay it Kalibo gin-engganyo do mga raya nga mag-usoy it kadugangan nga quarantine facility ag do provincial government kara do magabayad. // SHERRY ANNE REUNIR-VIDAL