GIPAHIMANGNUAN sa Davao City Police Office (DCPO) ang publiko nga dili dayon mutoo sa mga videos o hulagway nga manggawas sa social media ug kinahanglan nga iberipika kining daan.
Kini nunot sa mikatag nga video kagahapon, Nobyembre 17, 2023 human sa pagtay-og sa Magnitude 6.8 nga linog nga mi-sentro sa Munisipalidad sa Sarangani, Davao Occidental.
Sa maong video makita ang usa ka bata o mga indibidwal ang nakabsan sa kinabuhi sa Davao City human ang pagtay-og.
Nagpagawas dayon og pagpaklaro ang DCPO ug Ecoland Police Station kalabotan niini ug gikumpirma nga dili kini sa Davao City.
Sa maong video, makita nga nag ulan ang palibot, apan atol sa linog kagahapon, walay ulan nga nasinatian ang dakbayan sa Davao.