BICOL – LIWAT na tinawan duon ngunyan kan Department of Education o Deped-Bicol an nagkapirang importanteng isyu katakod kan pagpaparehistro kan mga estudyante para sa maabot na school year.
Dahil kaya sa huma kan pandemya, naggibo nin mga paagi an Deped tanganing marealizar an enrollment sa lsalbado asin madaling paagi para sa mga magurang asin estudyante siring man para sa mga paratukdo na mga mangengenot digdi.
Liwat na pgiromdom kan Deped-Bicol sa mga magurang o guardian, pwediser na magsumiter nin mga dokumento via online o sa paagi nin e-mail, facebook messenger, viber asin iba pa o kaya sa mga ipigdesignar na enrollment kiosk o booth sa saindang mga lugar.
Kabale sa mga dokumentong ini an pigsimbagan kan Modified Leaner Enrolllment and Survery Form (MLESF) siring man an mga dokumento na nakapalaman sa Basic Enrollment Policy kan Deped siring kan PSA Birth Certificate asin Learner School Form 9 o Form 138, kun an mag estudyante an magpaparehistro sa Grades 1-12.
Ipig uktaba man din an deadlline para sa pagsusumiter kan nasabing mga dokumento sa Disyembre 31, 2021 asin applicable sa mga public asin private schools sa bilog na nacion.
Higot man an pagiromdom kan departamento na dai pwedeng sayumahan an pagpaparehistro kan sisay man na estudyante aaral dahil sana sa kakulangan sa dokumento, siring man sulamenteng eskwelahan sana asin mga empleados an mataong koordinasyon sa proseso kan pagpapaluwas nin school records asind ai pwedeng itaong kwenta an nasabing responsibilidad sa magurang o guardian.