Nai-record ru Department of Health 6 it 871 new recoveries sa COVID-19 sa Western Visayas kahapon, Hunyo 16.
Base sa Case bulletin no. 446 it DOH6, naga-abot eon sa 44, 457 ru total recoveries sa rehiyon.
Samtang, 662 ru nai-record nga panibag-ong kaso it COVID-19.
Gin report nga sa Iloilo Province ru may pinaka-abo nga kaso bangud it 140 nga new cases.
99 ru nai-record sa Antique; 98 sa Negros Occidental; 97 sa Bacolod City; 87 sa Iloilo City; 76 sa Aklan; 42 sa Capiz ag 23 sa Guimaras.
Naga-abot eon sa 57, 373 ru kabilugan nga kaso’t COVID-19 sa Rehiyon. 11, 580 kara ru aktibong kaso, naga-abot sa 1, 318 man ru kabilugan nga napatay sa baeati-an bangud sa 2 nag dugang nga namatay. //MARIVIC Y. ILIN