BICOL – BUKAS na an Department of Health Bicol Center or Health Development sa pag ako nin aplikasyon para sa pig oofrecir na Midwifery Scholarship Program ngunyan na maabot na school year 2022-2023.
Segun sa ahensya, pig oofrecir sa nasabing scholarship program an two-year (2) diploma course para sa mga kwalipikadong indibidwal na nagmamawot na maging midwives.
Bukas ini sa mga senior high school graduates na edad dyes y otso sundo 38 anyos, igwang general weighted average (GWA) 85% pataas; physically and mentally fit asin nakaistar sa rehiyon.
Obheto kan nasabing programa kan DOH na mas urog pang pakusugon an healthcare services sa nacion asin magkaigwa nin “equitable access“ an lambang Pilipino sa dekalidad na serbisyong medikal sa paagi kan pag-produce nin mas dakul na skilled asin competent na mga midwives.
Sa siring na paagi man soboot mababawasan an mga kaso nin maternal asin neonatal morbidity siring man an mortality rate.
Para sa mga interesadong aplikante, mahihiling an bilog na listahan kan mga requirements sa official facebook page kan ahensya na ipapasa man sa mga provincial DOH offices sa saindang mga lugar.
Mantang bukas an mga oficina kan DOH sa Bicol sa pag ako nin aplikasyon hasta sa Abril bente nueve ngunyan na taon.