Sa pihak it mataas nga vaccination rate status sa mga banwa it Zarraga ag Batad sa Iloilo, owa gihapon raya nadaea sa alert level 1 status.
Raya hay bangud base sa eksplinasyon it Iloilo Provincial Health Office (IPHO), owa naga sunanto ro data it Department of Health (DOH) – Epidemiology Bureau ag PHO.
Sa record man it probinsya, consistent nga nagapanganuna ro Zarraga sa mataas nga vaccination rate, samtang sueod man pirme sa Top 5 ro Batad.
Pero kat mag isyu ro Inter-Agency Task Force (IATF) it latest alert level status, nagapabilin gihapon sa Alert Level 2 ro daywa ka banwa.
Bangud kara, umapela eon sa central office ro nasambit nga isyu ag gina-validate eon ro data para matan-aw ro discrepancies ag mapanaba ro alert level status sa nasambit nga banwa para mapahaeuga ro restrictions. / ANN DESLENE SALAZAR