Kahapon eamang, sambilog ka makangingidlis nga hitabo ro nasaksihan it mga residente it Rosario Street, Brgy. 38 Bacolod, City.
Sambilog ka bangkay it uwa pa nakieaea nga eaeaki nga uwa it ueo ro nakit-an nga nagahapa sa gilid it kaesada ag nakaposas sa likod ro daywa ka kamot. Nakasuksok raya it checkered nga shorts ag gray nga t-shirt.
Kaiping it biktima ro karatula nga may nakasueat nga “BAYAD SA UTANG!!! INTEREST PA LANG…. CAPITAL PREPARAR PARA SUMA TOTAL!!! HALONG BACOLOD.”
Base sa sangka security guard nga nakaduty maeapit sa lugar, nabati-an ro masobra sa an-um nga eupok it baril sa lugar.
Samtang, may nakita man nga sambilog ka ueo it eaeaki nga nakasueod sa plastic sa Purok Sigay, Barangay 2, Bacolod City nga ginapatihan nga parte it eawas it ginpugutan nga eaeaki.
Base sa imbestigasyon, nakit-an it sambilog ka traffic enforcer ro sangka brown nga saeakyan nga ginpilak ro sangka plastic nga may sueod nga ueo.
Base man sa Hepe it Police Station 1 sa Bacolod City, sakay it daywa ka Innova ro mga suspects.
Ginapatihan nga kapin sa walo ka mga persona ro naghimo it krimen.
Ro bangkay hay may may mga nina sa eawas bangud sa pagbuno ag pagpamaril.
Na-recover sa crime scene ro pilang .45 calibre ag 9mm nga mga bala.
Padayon gihapon ro imbestigasyon sa krimen./JIL B. LACSON