EKONOMIYA ang angay nga unahon sa mga mopungko sa goberno gumikan sa epekto sa pandemya nga nakapa hubas sa panudlanan sa nasud.
Sa pahayag sa kanhi opisyal sa Department of Labor and Employment (DOLE) Gensan nga si Conrado Artatez dapat ekonomiya ang unahon sa mga opisyal sa goberno.
Usa sa nakita niini nga dapat pakusgan ang agrikultura, dapat may paigong supply sa pagkaun sa merkado gikan sa mga mag-uuma apan usa sa nakita niini nga problema mao ang pagsulod sa mga produktong agrikultura nga gikan sa gawas sa nasud.
Sama sumala pa sa carrots nga gikan sa gawas nga mas barato unya tag usa ka bulan ayha mabulok, dapat daw nga ang kaugalingon nga produkto sa nasud ang konsumohon sa mga Pinoy.
Angay matud pa nga manubag sa balaud ang nagapalusot sa mga produkto gikan sa gawas unya wala nasunod ang balaud.
Ang ikaduha nga nga angay hatagan sumala pa og pagtagad sa goberno ang panarbaho sa mga Pilipino sa gawas sa nasud, dapat sigurohon nga dili ma-abusohan ug may saktong suhol. I Ver Diazon