ESSENTIAL workers ang sagad sa nagpositibo sa Covid-19 sa GenSan base sa rekord sa Rural Health Unit (RHU). Matud ni Dr. Rochelle Oco, labaw sa City Health Office (CHO) ug incident commander sa Local- Inter Agency Task Force on Covid- 19 (CIATF).
Sagad mga natakboyan mao ang naa sa health care sector ug mga essential workers nga maoy nanginabuhi alang pamilya. Kini base sa listahan gikan sa dagkong barangay sa GenSan sama sa San Isidro, Lagao ug Fatima samtang sagad mao ang makuha sumala pa ang virus sa workplace ug nadala sa panimalay nga miresulta sad sa pagkatakod sa Covid-19 ngadto sa mga kabanay.
Kalabut niini, tulo ka barangay sa GenSan ang dunay dakong kontribusyon sa kinatibuk-ang ihap sa kaso sa Covid-19. Nanawagan si Dr.Oco atol sa pag-atubang niini online sa sesyon sa konseho atong Martes nga bisan sa panimalay angayang hugot sundon ang health protocols batok sa virus. ( Richel Gubalani)