FAKE NEWS ang gipagula nga datos sa mga nagpositibo sa RT-PCR Test nga nakaadmit sa MHARS Medical Center sa Ozamiz City, sugod kaniadtong Mayo 31, ning tuiga.
Matod pa sa official facebook page ni Mayor Ando Oaminal, nga 23 ka mga nagpositibo sa maong testing og dili 43 ka mga positibo nga pasyente, diin sukwahi kini sa mga mikatag nga data rate sa dakbayan.
Dugang pa niya, nga sa susamang petsa, nasayran nga mikabat sa 95 ka mga personahe ang positibo , ang natala sa City Health Office og dili 116 ka mga positive patient, diin layo kayo kini sa tinuod nga ihap.
Samtang, sa pagkakaron hugot nga gibantayan ang kahimtang sa mga Ozamiznon nga nagpositibo sa COVID-19, og nakig-alayon na sila sa provincial office para sa pagtul-id sa gipagawas nga datos.(Jean Ruben)