Gintipon sang gobyerno probinsyal sang Capiz sa pagpanguna sang Provincial Tourism and Cultural Affairs Office ang mga food handlers kag operators nga magabaligya sang nagkatuhay nga pagkaon sa sTREAT Party nga kabahin nga aktibidad sa Capiztahan 2023.
Dire gintudluan ang mga nagpasakop sang Basic Food Safety and Handling Preparation agud nga masiguro ang katinlo sang pagkaon nga isa sa pinaka-importante para maprotektahan ang ikaayong lawas sang mga bumalakal sa sakit nga dala sang pagkaon kag food poisoning.
Ginpahibalo man ni Governor Fredenil Castro nga ang sa karon nga selebrasyon ang indi higya lamang bangud ini ang may kasadya kag may kwarta pa para sa ila nga mga magagmay nga negosyante tungod gin-angut niya ang turismo sang probinsya sa pangabuy-anan nila.
Ginpahanumdum man ni Gov. Castro sa mga nag-atender nga dapat yara ang elemento sang “Wow” sa ila mga luto kag pagtratar sa mga costumer.
Hugot nga ginbilin sang gobernador nga ipakita ang Good Manners and Right Conduct sa mga bumalakal kay pinaagi sini mahimo nga manumbalik ang mga turista kag iban pa nga bisita sa probinsya apisar tapos na ang Capiztahan.
Sa nahibaluan nga ginpakilala man dire ang grupo sang Roxas City Health Center kag Provincial Health Office nga maga-tsekyar kag monitor sa tanan nga nagabaligya sang pagkaon kon sila ang nagasunod sa mga layi kag pagsulundan.