Ginbuksan ang lima ka adlaw nga Chemical Biological Radiological Nuclear (CBRN) Training sang Balikatan 38-23 Joint Military Exercise sa 3rd Infantry Division Headquarters sa Jamindan, Capiz.
Ang CBRN training program ang nakadisenyo agud pabaskugon ang kapasidad sang Philippine military kag sang ila allied forces sa pagresponde sa chemical, biological, radiological kag nuclear threats.
Sa training program may classroom lectures, hands-on exercises kag simulations.
Nagapati naman si 3rd Infantry Division Commander Major General Marion Sison nga ang CBRN training program ang dako nga parte sang Balikatan 38-23 joint military exercise nga nagatuyo maimprobar ang interoperability kag kahandaan sang Philippine kag US armed forces sa pagresponde sa ano man nga pagpanghangkat kag kalamidad.
Pagatutukan sa exercise ang pagpabaskug sang interoperability kag readiness sang Philippine kag US armed forces sa pagsabat sang nanari-sari sang banta sa seguridad.
Ang CBRN training program ang isa lamang sa madamo nga aktibidad sang Balikatan 38-23 joint military exercise nga nagapakita sang mabaskug nga partnership sang Pilipinas kag Estados Unidos.
Isa man ini sa kahigayunan para sa duha ka pungsod nga magbuligay agud ipromote ang peace ang security sa Asia-Pacific region.