Patay ang usa ka lalaki human gipusil sa atubangan mismo sa iyang inahan human kini naghatud og salapi sa Barangay Colonsabac, Matanao, Davao del Sur kagahapon sa buntag.
Sa report sa Matanao Municipal Police Station giila ang biktima nga si Cristobal Akdang, 27-anyos, nga taga Barangay Clib, Hagonoy samtang ang suspek si Melito Samling, 49-anyos taga Colonsabac.
Nasayran nga naghatud matud pa og salapi si Akdang sa panimalay sa Samling aron magamit sa 40 diyas sa gipatay nga anak sa suspek apan human natunol ang salapit didto na kini gipusil nga miresulta sa iyang kamatayon.
Sa crime scene narekober sa kapolisan ang basyo sa .45 caliber nga pistola nga gitoohang gamit sa suspek kinsa nagtago-tago na karon panahona human misibat.
Sa pagpaklaro sa otoridad posibleng pagpanimalos ang motibo sa krimen sanglit gidudahan matud pa sa suspek nga si Akdang ang mipatay sa iyang anak niadtong Hunyo 26 ning tuiga.
Giklaro sa kapolisan nga napasaka na sa pisklaya ang pagpatay sa anak sa suspek og walay kalabotan ang biktimang si Akdang. BNFM-Davao
