PATAY ang usa ka babaye human gitigbas sa live in partner niini, sulod mismo sa ilang panimalay, sa may Prk.8 Brgy. Pulot Ozamis City, kaniadtong Mayo 24 niining tuiga.
Giila ang biktima nga si Vanessa Navarro Aniban, 37-anyos, kanhi OFW, og residente sa naasoy nga lugar.
Sa imbestigasyon sa Ozamiz Police Station, ang live in partner niini ang mibuhat sa krimen, nga giilang si Boyet Saludes Villaber, 33 anyos, usa ka construction worker.
Sumala sa kapulisan, nga selos ang hinungdan sa nahitabong pagpanibas, nga miresulta sa 16 ka samad tinigbasan, nga hinungdan sa hinanaling kamatayon sa biktima.
Sa pagkakaron priso na ang suspek kinsa gipasakaan og kasong Murder.