NAKAALERTO ang Alabel, Sarangani Municipal Health Office gumikan sa gikaengong pagsaka sa kaso sa hand, foot and mouth disease (HFMD).
Sa kasamtangang tuig, misaka na sa 105 ang kasong natala sa lugar asa sahad nga nakaangkon niini ang zero – 10-anyos. Matud ni Dr. Honorato Fabio, health officer dili makamatay ang maong sakit apan dili magkumpyansa.
Makuha kini pinaagi sa droplets, pag-share og utensils lakip ang physical contacts. Nasayran nga sintomas sa HFMD mao ang kalintura, mouth sores ug skin rashes.
Nagpahimangno ang opisyal sa mga ginikanan nga kinahanglang batasanon sa mga anak ang paghugas sa kamot ug pagsul-ob og facemask.
Kahibaloan nga dili lang ang munisipalidad og taas nga kaso sa maong sakit kung dili lakip usab ang GenSan ug dunay bahin sa rehiyon-12 ang nagdeklara atong mga nakalabay’ng bulan og outbreak. I Richel Gubalani