NAGA CITY- Nagkasakit na sa balat ang ilang mga Person’s Deprived of Liberty (PDL) sa male dormitory dahil sa init ng panahon, pero ang pamunuan ng Bureau of Jail Management and Penology may mga hakbang upang hindi na lumala ang sitwasyon.
Sa panayam ng Brigada News FM Naga kay male dormitory Acting Jail Warden JCINSP Rodolfo Versoza Jr., binanggit nito na kaagad silang nagbigay ng gamot at ihinihiwalay ang may sakit upang hindi na makahawa.
305 ang populasyon ng male dormitory lamang kaya nagsisiksikan kung lahat nasa loob ng piitan kaya pinapalakas ang mga aktibidad sa compound ng BJMP, tulad ng basketball, pinatitibay din ang mga livelihood program at iba pa. Ngayon dalawa na lamang ang nakaisolate na nangangati ang balat.