Sa kulungan ang bagsak ng tatlong inidbiwal matapos mahuli ng mga awtoridad na iligal na nag-o-operate ng color game at beto-beto sa Purok 3, Barangay Quezon, Lipa City, Batangas.
Nakilala ng Lipa City Police Station ang mga suspek na sina Agnes Laydia y Lalog, 44-anyos; Daisy Mosca y Magadia, 52-anyos; at Arnold Amande y Aala, 31-anyos.
Batay sa imbestigasyon, pasado alas-10:00 ng gabi noong July 6, 2023 nang magsagawa ng operasyon ang Intel Operatives ng Lipa CPS laban sa iligal na sugal na nagresulta sa pagkakaaresto ng mga suspek.
Doon ay huli sa akto ang pag-o-operate ng mga suspek ng Color Game at Beto-beto nang walang kaukulang permit.
Nakumpiska sa mga suspek ang isang set ng Color Game Table, isang set na Beto-beto table at cash money na nagkakahalaga ng P 6,338.
Sa ngayon ay nasa kustodiya na ng mga awtoridad ang mga naturang suspek na nahaharap sa kasong paglabag sa PD 1602.