Presente nga sa nasyung Germany si Kalibo Mayor Juris Bautista Sucro para tun-an ro Sewerage Treatment Plant (STP) ag flood mitigation facilities sa nasambit nga nasyun.
Base sa facebook post it alkalde, ginatinguhaan nana nga makapangayo it bulig pinaagi it grant sa nasyung Germany ag sa pakikipagbueoligan man sa DPWH para maisakatuparan ro makarondaya nga mga pasilidad sa banwa it Kalibo.
Mabahoe segun ro magiging bulig it mga proyekto ngara sa tiyempo it pag uean.
Samtang, ginklaro ni Mayor Sucro nga owa imaw it ginamit nga LGU/government funds sa pag agto nana sa Germany. // ANN DESLENE SALAZAR