GIKUMPERMA ni Konsehal Atty. Dominador Lagare Jr. nga andam kini nga makig estorya sa mga konsehal nga nisupak sa iyang gidsuso nga Franchising Guidelines Ordinance.
Sa paghinabi sa Brigada News FM GenSan kay Lagare gisulti niini nga bisan kon nabasura ang iyang giduso nga balaudnon mamahimo gihapon niya kini nga iduso pag usab sa konseho.
Andam daw siya nga makig negotiate aron masayran kung unsa pa ang mga gusto sa mga kaubanang konsehal ug mga sugyot aron nga magtagbo sila sa tunga o ginatawag nga win win solution.
Gidugang ni Lagare nga ang kalampusan sa paghan-ay sa transportasyon alang sa mga elected offcial mag epekto kini sa imahe sa mayor apan liwas sa politika gusto daw niini nga makita sa nagsupak ang alang sa lehitimo nga taga GenSan nga mga tricycle driver.
Sa mga mag apply alang sa prangkisa sigurohon daw sa taga Motorized Tricycle Franchising and Regulatory Board kon MTFRB nga taga GenSan gayod ang driver. I Ver Diazon