Laing transport group sa GenSan ang nagahulat sa pondo nga ibayad sa taga Land Transportation Franchising and Regulatory Board kun LTFRB human sa ilang serbisyo sa Libreng Sakay.
Sa kumpermasyon sa labaw sa Rajah Buayan Transport Cooperative nga si Larry Villegas nga niadto sila sa Koronadal City milabay nga semana ug gipasabot kanila sa taga LTFRB ang estado sa ilang bayad sa pagpamasada alang sa mga health workers ug Authorized Person Outside Residence kun APOR.
Ang istorya makasupak sa kontrata ang LTFRB kon dili maabot sa Hunyo 30 ang pagbyahe sa mga sakyanan nga na-rehistro sa Libreng Sakay.
Samtang ang problema sa mga driver, operator ug kooperatiba ang walay igong pondo aron i-gasolina sa ilang mga sakyanan hangtud June 30 kay wala man natuman ang senimana nga bayad gikan sa Bayanihan 2.
Sa bahin sa Rajah Buayan Transport Coop aduna silay upat ka multicab alang sa APOR ug usa ang electric jeep, nakadawat sila sa una og P4,500 para sa gadget pang-monitor sa distansya sa byahe samtang nakadawat pod og P25,000 pesos sa pagrehistro sa Libreng Sakay apan wala pa ang matag semana nga tag P7,000 pesos sa lima ka adlaw nga byahe.
Sa bahin sa taga LTFRB sumala sa Regional Director nga si Renato Padua magpaabot lang ang mga nakarehistro sa Libreng Sakay kay ginaproseso na ang bayad kanila dili lang masiguro kon kanus-a. ( Ever Diazon)