Arestado ang isang lalaki matapos magpositibo sa drug buy-bust operation sa Brgy. Iraya Norte, bayan ng Oas Albay.
Kinilala ang suspek na si alyas “Adamson”, 26 anyos at residente ng P-5, Brgy. Obaliw-Rinas, ng nasabing bayan.
Ayon sa report, gabi nang magsagawa ng isang operasyon laban sa iligal na droga ang Oas MPS sa pakikipagtulungan ng PDEA-RO5 na nagresulta sa pagkakadakip sa suspek.
Kumagat sa pain ang suspek matapos nitong pagbentahan ang poseur buyer ng tatlong pirasong suspected “shabu”.
Nang magkapalitan na ng nasabing item, dito tuluyang inaresto ang suspek at narekober sa kanya ang “shabu” at perang ginamit bilang buy-bust money.
Ang suspek ay nasa kustodiya na ng pulisya para sa kaukulang disposisyon.