Arestado sang mga kapulisan ang 53-anyos nga lalaki matapos nadakpan sa akto nga nagapataya sang iligal nga ‘bookies’ sa Barangay Poblacion, Dumalag, Capiz.
Ginkilala ang akusado kay George Areola, kag residente sang Barangay San Roque, sa nasambit nga banwa.
Narekober sa paghinakop sang suspek ang P160 nga taya ukon koleksyon, ballpen kag cotejo nga may nakasulat nga nagkalain-lain nga mga numero.
Magapangatubang si Areola sang kaso nga paglapas sa Presidential Decree 1602 ukon Illegal Gambling Law.
Sa karon, yara ini sa paghinakop sang Dumalag PNP para sa nagakaigo nga disposisyon. | KMD Gicalde