Sikop sa kapulisan nga sakop sa Provincial Drug Enforcement Unit (PDEU) Negros Oriental ang usa ka high value individual (HVI) human nakuhaan og ginadiling droga sa gipahigayon nga buy bust operation,didto sa Purok Ipil-Ipil,Brgy.Mangnao,Dumaguete City mga pasado alas 8 sa gabie,Agosto 16,2021.
Angi dinakpan naiila sa pangalang Michael Parong,39 anyos,ulitawo,residente sa nasangpit nga dapit.
Nakuhaan ang dinakpan diha sa iyang posisyon og usa ka pinataas nga pakete ug tulo ka dagko nga paketeng gituhoang shabu,motorsiklo nga gigamit sa transaction,helmet nga didto gitago ang shabu ug ang 500 pesos nga buy bust money.
Temporaryong natanggong ang suspetsado sa Dumaguete Police Detention Cell samtang gipaabot ang ensaktong disposisyon.///Ariel Morro Amistoso