Nagapangayo sang pagpakig-dialogo ang United Negros Drivers and Operators Center ukon UNDOC upod sa land Transportation Office ukon LTO, LGU’s kag iban pa gid nga mga stakeholders agud hibalu-on kun ano ang madalom nga motibo sang LTO National kag sang Department of Transportation ukon DOTR sa implementasyon sang private motor vehicle inspection sa mga PMVI Centers.
Gina-question ni UNDOC Secretary General Diego Malacad kun nga-a diri lamang sa ciudad sang Bacolod ginpatuman ang nasambit nga sistema kag kun ano ang nangin balasehan, kag kun ano nga statistics ang ginauyatan sang LTO natuhoy sa sining motor vehicle inspection.
Ginpahayag ni Malacad sadtong nagligad nga adlaw, may namutikan na ang UNDOC nga biolasyon nga nakumiter sang nasambit nga PMVI Center diri sa Bacolod kun sa diin may gin-akomodar ini nga mga salakyan gikan sa guwa nga bahin sang nasakupan sini nga area nga amo lamang ang mga syudad sang Bacolod, Talisay, Silay, Bago kag banwa sang Murcia.
Dugang pa ni Malacad, sabat sang PMVI Center nga na-Mis-look gid lamang ang nasambit nga kaso. Nagapati ang UNDOC Sec, General bangud sa natabo, nagapati siya nga indi accurate ang ginapatigayon nga Inspeksyon sang nasambit nga center.