GIREBYU karon sa ehikutibo ang kamanduan nga gipagula sa Department of Interior and Local Government (DILG) kalabut sa pagresolba sa problema sa land conflict sa GenSan.
Matud ni Ronald Nuñeza, labaw sa City Housing and Land Management Office (CHLMO), kini ang usa pa lakang sa LGU aron resolbahon ang problema.
Dugang niini, base sa DILG memorandum circular nga gipagula atong 2012 ni kanhi Secretary Jessie Robredo, giawhag ang mga mayor sa tibuok nasud.
Sa pagmugna og local committee nga mahimong arm sa National Drive Against Professional Squatters and Squatting Syndicates aron batukan ang squatting problem sa mga lokalidad. Sa ni Konsehal Jose Edmar Yumang, buhion usab niya sa konseho ang nabasurang ordinansa kalabut sa problema sa iligal squatting.
Giangkon niini nga duna na’y sindikato nga nagpaluyo sa away yuta tungod na dunay mga armas nga narekober ang kapulisan. Una nang, giangkon ni PCol. Jomar Alexis Yap, director sa GenSan City Police Office (GSCPO) dunay giilogang luna sa GenSan nga duna na’y mga armadong tawo.
Ang problema sa giilogang mga luna ang miresulta na sa problema sa kahapsay ug kalinaw sa GenSan. I Richel Gubalani