Ginahingyo ni Negros Occidental Provincial Administrator Atty. Rayfrando Diaz II sa mga pumuluyo nga indi maglumpat sa ‘conclusion’ nga may “Lambda variant” na sang Covid-19 sa probinsya.
Sa liwat ginapahanumdom ni Diaz, ini nga kaso ang Coronavirus man sa gihapon kag wala sang may pagliwat sa ginapatuman nga protocols sa bahin sang mga pumuluyo kag himu-on ang doble nga paghalong.
Dugang pa ni Diaz, nakahanda ang mga hospital sang probinsya kun sa diin sa pagkamatu-od na-downgrade ang Negros Occidental sa level 1 sa bahin sang risk level classification nga ginpaguwa sang Department of Health ( DOH ).
Suno kay Diaz, nakita mismo sang health department nga padayun naganubo ang positivity rate sa probinsya kada adlaw kag ang hospital occupancy ang yara nagapabilin sa masubra sa 30 porsyento.